ಸರ್ಕಾರಿ ಶಾಲೆ-ಕಾಲೇಜುಗಳ ಭೂಮಿ ರಕ್ಷಣೆಗೆ ಕರ್ನಾಟಕ ಸರ್ಕಾರದ ಹೊಸ ಕಾಯ್ದೆ

12 ವರ್ಷ ಮತ್ತು ಅದಕ್ಕಿಂತ ಹೆಚ್ಚು ಕಾಲ ಬಳಕೆಯಲ್ಲಿರುವ ಭೂಮಿ ಸ್ವಯಂಚಾಲಿತವಾಗಿ ರಾಜ್ಯ ಸರ್ಕಾರದ ಹೆಸರಿಗೆ ಸೇರಲಿದೆ.

ಬೆಂಗಳೂರು · ಏಪ್ರಿಲ್ 9, 2026 · ಕರ್ನಾಟಕ ಅಧಿನಿಯಮ ಸಂಖ್ಯೆ: 24

---

ಕರ್ನಾಟಕ ಸರ್ಕಾರವು ಕರ್ನಾಟಕ ಸರ್ಕಾರಿ ಶೈಕ್ಷಣಿಕ ಸಂಸ್ಥೆಯ ಭೂಮಿಗಳ (ರಕ್ಷಣೆ ಮತ್ತು ಸಕ್ರಮಾತಿ) ಅಧಿನಿಯಮ, 2026 ಅನ್ನು ಜಾರಿಗೆ ತಂದಿದೆ. ರಾಜ್ಯಪಾಲ ಥಾವರ್‌ಚಂದ್ ಗೆಹ್ಲೋಟ್ ಅವರು ಏಪ್ರಿಲ್ 8, 2026ರಂದು ಈ ಕಾಯ್ದೆಗೆ ಅನುಮತಿ ನೀಡಿದ್ದು, ಏಪ್ರಿಲ್ 9ರಂದು ಕರ್ನಾಟಕ ರಾಜ್ಯಪತ್ರದ ವಿಶೇಷ ಸಂಚಿಕೆಯಲ್ಲಿ ಪ್ರಕಟವಾಗಿದೆ.

Ai ಆಧಾರಿತ ಚಿತ್ರ

ಯಾವುದೇ ಸರ್ಕಾರಿ ಶೈಕ್ಷಣಿಕ ಸಂಸ್ಥೆ ಕನಿಷ್ಠ 12 ವರ್ಷಗಳ ಕಾಲ ನಿರಂತರವಾಗಿ ಯಾವುದೇ ಸ್ಥಿರ ಆಸ್ತಿಯ ಮೇಲೆ ಕಾರ್ಯ ನಿರ್ವಹಿಸಿದ್ದರೆ, ಆ ಭೂಮಿ ಯಾವುದೇ ಋಣ, ಹಕ್ಕುಗಳು ಅಥವಾ ಹಿಂದಿರುಗಿಸುವ ಹಿತಾಸಕ್ತಿಯಿಂದ ಮುಕ್ತವಾಗಿ ರಾಜ್ಯ ಸರ್ಕಾರ ಅಥವಾ ಸೂಕ್ತ ಅಧಿಕಾರಿಯ ಪರವಾಗಿ ನಿಹಿತವಾಗುತ್ತದೆ.

ಕಾಯ್ದೆಯ ಪ್ರಮುಖ ಅಂಶಗಳು

• ನೋಂದಾಯಿತ ವರ್ಗಾವಣೆ ದಾಖಲೆ ಇಲ್ಲದಿದ್ದರೂ, ದಾನಿಯ ಮರಣ ಆಗಿದ್ದರೂ ಅಥವಾ ಆಸ್ತಿ ವರ್ಗಾವಣೆ ಕಾಯ್ದೆಯ ಉಪಬಂಧಗಳ ಪಾಲನೆ ಇಲ್ಲದಿದ್ದರೂ ನಿಹಿತ ಮಾನ್ಯ.
• 12 ವರ್ಷಗಳಿಗಿಂತ ಹೆಚ್ಚು ಕಾಲ ಆಕ್ರಮಣ ಮುಂದುವರಿದ ಭೂಮಿಯ ಮೇಲಿನ ಯಾವುದೇ ಹಕ್ಕು ಪ್ರತಿಪಾದಿಸಿ ನ್ಯಾಯಾಲಯ ಅಥವಾ ನ್ಯಾಯಮಂಡಳಿಯಲ್ಲಿ ಮೊಕದ್ದಮೆ ಹಾಕಲು ನಿರ್ಬಂಧ.
• ಕಾಯ್ದೆ ಜಾರಿಗೆ ಬಂದ ದಿನದಿಂದ 30 ದಿನಗಳ ಒಳಗೆ ಆಕ್ಷೇಪ ಸಲ್ಲಿಸಲು ನೋಂದಾಯಿತ ಹಕ್ಕು ದಾಖಲೆ ಹೊಂದಿರುವವರಿಗೆ ಅವಕಾಶ.
• ದೂರು ನಿವಾರಣಾ ಪ್ರಾಧಿಕಾರ — ಕರ್ನಾಟಕ ಭೂ ಕಂದಾಯ ಕಾಯ್ದೆ 1964ರ ಅಡಿ ರಚಿತ ಕಂದಾಯ ನ್ಯಾಯಾಲಯ.
• ದೂರು ನಿವಾರಣಾ ಪ್ರಾಧಿಕಾರದ ತೀರ್ಮಾನದ ವಿರುದ್ಧ 30 ದಿನಗಳಲ್ಲಿ ಕರ್ನಾಟಕ ಅಪೀಲು ನ್ಯಾಯಮಂಡಳಿಗೆ ಮೇಲ್ಮನವಿ ಸಾಧ್ಯ.
• ಬ್ಲಾಕ್ ಶಿಕ್ಷಣ ಅಧಿಕಾರಿ (BEO) ಮತ್ತು ಡಿಡಿಪಿಯು ಅಧಿಕಾರಿಗಳು ಎಸ್ಟೇಟ್ ಅಧಿಕಾರಿಗಳಾಗಿ ಕಾರ್ಯ ನಿರ್ವಹಿಸಲಿದ್ದಾರೆ.

---

ಈ ಕಾಯ್ದೆ ರಾಜ್ಯ ಸರ್ಕಾರವು ಅಧಿಸೂಚನೆ ಮೂಲಕ ನಿಗದಿಪಡಿಸುವ ದಿನಾಂಕದಂದು ಜಾರಿಗೆ ಬರಲಿದ್ದು, ಕಾಯ್ದೆ ಜಾರಿಯ ಎರಡು ವರ್ಷಗಳ ನಂತರ ಯಾವುದೇ ತೊಂದರೆ ನಿವಾರಣೆ ಆದೇಶ ಹೊರಡಿಸಲು ಅವಕಾಶ ಇರುವುದಿಲ್ಲ.

---

ಮೂಲ: ಕರ್ನಾಟಕ ರಾಜ್ಯಪತ್ರ, ಭಾಗ – IVA, ಸಂ. 267, ದಿನಾಂಕ 09.04.2026