ರಾಜ್ಯ ಸರ್ಕಾರದ 'ಸರ್ವೋತ್ತಮ ಸೇವಾ ಪ್ರಶಸ್ತಿ': ಆನ್‌ಲೈನ್ ಮೂಲಕ ನಾಮನಿರ್ದೇಶನ ಸಲ್ಲಿಕೆ ಆರಂಭ

ಬೆಂಗಳೂರು: ರಾಜ್ಯ ಸರ್ಕಾರಿ ಸೇವೆಯಲ್ಲಿ ಅತ್ಯುತ್ತಮ ಸಾಧನೆ ಮಾಡಿದ ಅಧಿಕಾರಿ ಮತ್ತು ನೌಕರರನ್ನು ಗುರುತಿಸಿ ಗೌರವಿಸುವ ಸಲುವಾಗಿ ನೀಡಲಾಗುವ 2026ನೇ ಸಾಲಿನ ‘ಸರ್ವೋತ್ತಮ ಸೇವಾ ಪ್ರಶಸ್ತಿ’ಗಾಗಿ ಅರ್ಜಿ ಸಲ್ಲಿಕೆ ಪ್ರಕ್ರಿಯೆ ಆರಂಭವಾಗುತ್ತಿದೆ.

ಅರ್ಜಿ ಸಲ್ಲಿಕೆ ದಿನಾಂಕಗಳು

ಪ್ರಶಸ್ತಿಗೆ ಆಕಾಂಕ್ಷಿಗಳಾದ ಅರ್ಹ ನೌಕರರು ಆನ್‌ಲೈನ್ ಮೂಲಕ ಮಾತ್ರ ನಾಮನಿರ್ದೇಶನಗಳನ್ನು ಸಲ್ಲಿಸಲು ಅವಕಾಶ ಕಲ್ಪಿಸಲಾಗಿದೆ.

• ಆರಂಭದ ದಿನಾಂಕ: 03-02-2026.

• ಕೊನೆಯ ದಿನಾಂಕ: 25-02-2026.

ನಾಮನಿರ್ದೇಶನ ಸಲ್ಲಿಸುವ ವಿಧಾನ

ಅರ್ಹ ಅಭ್ಯರ್ಥಿಗಳು ಈ ಕೆಳಗಿನ ಜಾಲತಾಣಗಳ ಮೂಲಕ ತಮ್ಮ ವಿವರಗಳನ್ನು ದಾಖಲಿಸಬಹುದು:

• https://dparar.karnataka.gov.in

• https://sarvothamaawards.karnataka.gov.in

ಭಾಷೆ ಮತ್ತು ತಾಂತ್ರಿಕ ಮಾಹಿತಿ:

• ನಾಮನಿರ್ದೇಶನಗಳನ್ನು ಕನ್ನಡ ಅಥವಾ ಇಂಗ್ಲೀಷ್ ಭಾಷೆಯಲ್ಲಿ ಸಲ್ಲಿಸಬಹುದು.

• ಕನ್ನಡದಲ್ಲಿ ಅರ್ಜಿ ಸಲ್ಲಿಸುವವರು ಕಡ್ಡಾಯವಾಗಿ ನುಡಿ 6.0 ಆವೃತ್ತಿಯನ್ನು ಬಳಸಬೇಕು.

• ತಾಂತ್ರಿಕ ಅಡಚಣೆಗಳಿದ್ದಲ್ಲಿ pmtech.webportal@karnataka.gov.in ಇಮೇಲ್ ಮೂಲಕ ಮಾಹಿತಿ ಪಡೆಯಬಹುದು.

• ಪ್ರಶಸ್ತಿಗಳ ವಿವರ ಈ ಬಾರಿ ಒಟ್ಟು 340 ಪ್ರಶಸ್ತಿಗಳನ್ನು ನೀಡಲಾಗುತ್ತಿದ್ದು, ಅದರ ವಿವರ ಇಂತಿದೆ:  
• ಜಿಲ್ಲಾ ಮಟ್ಟ  310 (31 ಜಿಲ್ಲೆಗಳು x 10 ಪ್ರಶಸ್ತಿ)   
• ರಾಜ್ಯ ಮಟ್ಟ  30

ಪ್ರಮುಖ ಸೂಚನೆಗಳು

ಒಬ್ಬ ಅಭ್ಯರ್ಥಿಯು ರಾಜ್ಯ ಮತ್ತು ಜಿಲ್ಲಾ ಎರಡೂ ಹಂತದ ಪ್ರಶಸ್ತಿಗಳಿಗೆ ಅರ್ಜಿ ಸಲ್ಲಿಸಬಯಸಿದಲ್ಲಿ, ಎರಡೂ ಹಂತಗಳಿಗೆ ಪ್ರತ್ಯೇಕವಾಗಿ ನಾಮನಿರ್ದೇಶನ ಸಲ್ಲಿಸಬೇಕಾಗುತ್ತದೆ. ಹೆಚ್ಚಿನ ಮಾಹಿತಿಗಾಗಿ ಸಿಬ್ಬಂದಿ ಮತ್ತು ಆಡಳಿತ ಸುಧಾರಣೆ ಇಲಾಖೆಯ (ಆಡಳಿತ ಸುಧಾರಣೆ) ಅಧಿಕೃತ ವೆಬ್‌ಸೈಟ್ ಸಂಪರ್ಕಿಸಲು ಕೋರಲಾಗಿದೆ.